Scoil Samhraidh Teanga agus Cultúir
Dírítear lena linn seo, ar príomhchúrsa aitheanta dár gcuid í, ar fhoghlaim na teanga gach maidin trí sheisiúin teagaisc ag leibhéil éagsúla; tráthnóna cuirtear ar fáil ceardlanna i réimse leathan imeachtaí, macasamhail feadóg, damhsa seite, amhránaíocht ar an sean-nós, siúl sléibhe agus grúpaí staidéir ag breithniú gnéithe faoi leith de chultúr na Gaeilge.
Aire: Tá clár cúrsaí Oideas Gael 2025 idir lámha. Déanfar leasú agus nuashonrú ar gach leathanach cúrsa as seo go ceann cúpla seachtaine. Má tá dátaí cúrsaí foilsithe ar an leathanach seo, áfach, is deimhin go mbeidh na cúrsaí sin ar siúl.
| Teideal | Suíomh | Praghas | |
|
Dé Sathairn, 26 Iúil 2025 — Dé Sathairn, 2 Lúnasa 2025
|
|||
| Scoil Samhraidh Teanga agus Cultúir | Gleann Cholm Cille | €260 | Cláraigh |
Bíonn leagan amach ar leith ar an tseachtain speisialta seo achan bhliain. Bíonn deis ag na rannpháirtithe snas a chur ar a gcuid scileanna teanga ar maidin Luan–Aoine agus ranganna Gaeilge ar fáil ag ocht leibhéal éagsúla. Thig dul i ngleic le gnéithe difriúla de chultúr na nGael agus de chultúr na hEorpa um thráthnóna (Domhnach–Aoine) agus rogha ceardlann ar fáil ag plé le hábhair mar sheinm an cheoil, an damhsa seite, an siúl sléibhe, an chócaireacht Iodálach, an drámaíocht, an amhránaíocht ar an sean-nós, agus tuilleadh nach iad. Bíonn clár imeachtaí ar leith ar siúl san oíche, idir cheolchoirmeacha, chéilí, léachtaí le haoi-chainteoirí aitheanta, léamha filíochta, ábhar grinn agus mar sin de. Ní sárú ar an saibhreas ná an spraoi a bhaineann le Scoil Samhraidh Oideas Gael ó bhliain go bliain.